კვებითი ალერგია არის მეტად გამოხატული იმუნური პასუხი საკვებ ცილაზე;
ის უნდა განვასხვაოთ არაიმუნური რეაქციისაგან ზოგიერთ საკვების მიმართ ( მაგალითად ლაქტაზის აუტანლობა, გაღიზიანებული ნაწლავის სინდრომი; ინფექციური გასტროენტერიტი); და რეაქციისაგან კვებით დანამატებზე - ნატრიუმის გლუტამატი, მეტაბისულფატი, ტარტრაზინი;
ნებისმიერი საკვები და დანამატი შეიძლება შეიცავდეს ალერგენებს; ახალშობილებში და მცირე ასაკის ბავშვებში უფრო ხშირად გვხვდება რძის, სოიოს, კვერცხის, მიწის თხილის, ხორბლეულის მიმართ ალერგია; უფროს ასაკში კი კაკალი და ზღვის პროდუქტები;
არსებობს ჯვარედინი რეაქციები კვებით და სხვა ალერგენებს შორის; სენსიბილიზაცია წარმოებს არაენტერალური გზით; მაგ: პაციენტებს პირის ღრუს ალერგიით - ქავილი, ერითემა, შეშუპება, ხილისა და ბოსტნეულის მიღებისას, შესაძლოა სენსიბილიზებული იყოს მცენარეთა მტვრით; ასვეე არახისზე რეაქციისას შესაძლოა არახისის ცხიმზე დამზადებული კრემების გამოყენებით იყოს სენსიბილიზებული; პაციენტებს ალერგიით ლატექსზე ხშირად აქვთ ალერგია ბანანზე, კივზე, ავოკადოზე; ლატექსის ხელთათმანების გამოყენებით მომზადებულ საკვებზე რჩება მტვერი, რომელზე ალერგიაც ადვილად შეიძლება აგვერიოს საკვებზე ალერგიაში;
ძირითადად კვებითი ალერგია განპირობებულია IgE, T -ლიმფოციტებით და მათი კომბინაციით; პირველი ვითარდება სწრაფად, - ურტიკარია, ანაფილაქსია, ასთმა; -იწყება ადრეულ ასაკში; აქვს ატოპიის გენეტიკური ისტორია; T- უჯრედოვანი ალერგია - ცილოვანიგასტროენტეროპათია, ცელიაკია - ვითარდება თანდათანობით და მიმდინარეობს ქრონიკულად; ეოზინოფილური გატროენტერიტი - ვლინდება ტკივილით მუცელში; დიარეით; ეოზინოფილიით და ნაწლავის კედელში ეოზინოფილური ინფილტრატების არსებობით; ცილების კარგვით; იშვიათად ახალშობილებში აღინიშნება IgG განპირობებული რეაქციები ძროხის რძეზე, რასაც მივყავართ ფილტვისმიერ ჰემორაგიებამდეც;
სიმპტომები - ახალშობილებში - ატოპიური დერმატიტი, გულისრევა, ღებინება, დიარეა; უფროსი ასაკის ბავშვებში - სიმპტომები იცვლება და ვითარდება რეაქციები საინჰალაციო ალერგენებზე; მოზრდილებში - არის ტენდენცია უფრო ძლიერი რეაქციებისაკენ - ექსფოლიაციური ურტიკარია, ანგიონევროზული შეშუპება, ანაფილაქსია; ზოგიერთ პაციენტს უვითარდება შაკიკის შეტევა გარკვეული საკვების მიღებისას; ასევე ხეილიტი, აფტოზური დაზიანება, პილოროსპაზმი, სპასტიური შებერილობა; ქავილი ანუსის არეში;
მძიმე კვებითი ალერგიის დიაგნოსტირება ადვილია მოზრდილებში; მარტივი ფორმისა და ასევე ბავშვების შემთხვევაში გართულებულია;
თუ სიმპტომების განვითარება დაკავშირებულია გარკვეულ საკვებთან, მაშინ იყენებენ კანის ან რადიოალერგოსორბენტულ IgE -სპეციფიკურ ტესტებს; მართალია დადებითი პასუხი ჯერ კიდევ არ ადასტურებს კლინიკურად მნიშვნელოვან შედეგს, თუმცა უარყოფითი პასუხით გამოირიცხება ასა თუ ის ალერგენი; კანის დადებითი სინჯის შემთხვევაში გამოირიცხება რაციონიდან ეს პროდუქტი; ხდება ელიმინაციური დიეტის შედგენა , თუმცა გასათვალისწინებელია, რომ კვებიტი სენსიბილიზაცია შეიძლება გაქრეს სპონტანურად;
ანტიჰისტამინები გამოიყენება შეზღუდულად გარდა იმ შემთხვევისა, როცა არის ურტიკარია, ანგიონევროზული შეშუპება; სტეროიდებს იყენებენ ხანგრძლივად ეოზინოფილური ენტეროპათიების დროს;